Myndir: Allar stjørnurnar savnaðar í stóru og nýggju høllini

Sjey mans vandu í gjár, og í dag komu teir níggju, sum høvdu dystaruppgávu uttanlands í gjár til Føroya.

Sí eisini: Rógvi Dal-Christiansen: - Hevði als ikki roknad við at verið úttikin

Allir vandu við í fyrstu venjingini hjá manslandsliðnum nakrantíð við Tjarnir.

Byrjað varð við upphiting og fótbólti, har teir yngru vunnu greitt, áðrenn nakrar kontra-retur støður vóru á skránni.

Har sótu størstu profilarnir í bakketuni uttanfyri; bæði Elias Ellefsen á Skipagøtu og Óli Mittún spældu harðar dystir í gjár.

Restina av venjingini var ta taktiska í snúðningsdeplinum. Føroyar hava sínar ætlanir at tálma Luc Steins og hinum í appelsinlittum, og tað var serlig sjóneyka sett á verjukenda spælið. Millum annað undirtalsverju og 5-1, sum kann verða eitt vápn.

Móti endanum vórðu nakrar álopsstøður, serliga í yvirtali, gjøgnumgingnar.

Føroyska liðið hevur tvær venjingar í morgin og spælir EM-undankappingardyst her mikukvøldið klokkan 19.