Elias: - Nú gleða vit okkum bara til at spæla her

Smílið hjá 22-ára gamla hoyvíkinginum var breitt eftir fyrstu venjing hansara í nýggju tjóðleikhøllini í heimstaðnum.

- Hetta er ógvuliga stuttligt at koma heim til, staðfesti Kiel-spælarin.

Sí eisini: (Myndir): Allar stjørnurnar savnaðar í stóru høllini

Elias Ellefsen á Skipagøtu kemur til Føroya eftir eitt ógvuliga gott tíðarskeið í týska felagnum, har hann hevur havt stóran leiklut og havt stóra ávirkan. Í mun til fyrstu undankappingardystirnar, sum vóru í november, er kropsliga støðan væl betri hesaferð, sigur Elias.

Føroyar høvdu góð hagtøl seinastu tíðina á Hálsi, og hetta vil man sjálvandi halda fram við, nú nýggjur heimavøllurin verður vígdur. 

- Niðurlond er eitt lið, men tað eru vit eisini, og nú skulu vit vita, um vit ikki eisini klára at vinna á teimum í Føroyum.

Fyri at gera tað skal serliga Luc Steins tálmast. Tað sigur "hin" spælskiparin. Elias Ellefsen á Skipagøtu staðfestir tað, sum eisini sást til venjing við Tjarnir í kvøld: At Føroyar arbeiða við at brýna amboðini til at steðga lágvaksna og kvika PSG-spæalranum, sum er stóra stjørnan hjá Niðurlondum. Serliga nú tá Kay Smits ikki er við, hongur nógv á Steins.

Luc Steins í HM-dysti móti Fraklandi í januar (Savnsmynd: EPA)

Elias í heimstaðnum í kvøld (Mynd: Sverri Egholm)

Tað er nummar 71 hjá Føroyum, sum í stóran mun skal seta okkara spæl. Hoyr alla samrøðuna við Elias ovast.