Óli og Ísak kunnu vinna hálvfinalupláss í kvøld

Rói Ellegsen á Skipagøtu stóð seg væl, men Hallby fekk einki gjørt við Ystads í tí fjórðingsfinalurøðini.

Sí eisini: Kappingarárið hjá Róa og teimum er av

Hinir báðir føroyingarnir í bestu svensku deildini eru enn við í endaspælinum, og teir kunnu vera við at spæla sítt lið víðari í kvøld.

IK Sävehof vann sær fyrimun við sigrinum í Karlskrona mánadagin. Nú skal liðið hjá Óla Mittún og Ísaki Vedelsbøl royna at vinna á heimavølli eisini. Tað hevur einki av liðnum gjørt enn í røðini, har tað er 2-1.

Í grundspælinum var ógvuliga tætt millum hesi liðini, og tað kann tað eisini gerast í kvøld, nú alt kann verða avgjørt.

Dysturin í Partille byrjar klokkan 18 føroyska tíð.