Páll Klettskarð longt við KÍ

Hann er javnan á máltalvuni, og er nær við at seta met sum mest skorandi KÍ-leikari nakrantíð. Páll Klettskarð hevur skrivað undir við KÍ tvey ár afturat.

Hesum boðar felagið frá í kvøld.

- Vit eru glað fyri, at Páll ynskir at vera verandi í KÍ, tí tað er sera umráðandi við slíkum lokalum flaggberarum í hópinum, sum kunnu føra KÍ mentanina víðari til ungar leikarar og teir leikarar sum koma úti frá, sigur KÍ.

30 ára gamli áleyparin skoraði í farna kappingarári 12 mál fyri barndómsfelagið í Betri deildini.