Rakel B Tindskarð endurtók bragdið

Til heimsmeistarakappingina í fjør vunnu Rakel B. Tindskarð og Silas vom Forstwald silvur, og nú skuldi tey so til norðurlandameistarakappingina í Herning í Danmark prógva, at hetta var ikki av tilvild.

Tey kappast í greinini T1Young rider. Av tí at so nógv kappast í hesi grein, so verður mett, at hetta er ein tann torførasta greinin at vinna heiðursmerki í.

Tað vísti seg eisini longu í innleiðandi umfarinum, at Rakel og Silas vom Forstwald skuldu fáa harða mótstøðu. Tey megnaðu tó at fáa eitt deilt fjórðapláss, og tryggjaðu sær harvið pláss í sjálvari finaluni.

Ofta verður mett, at tað er minni munur at klára seg væl til NM og HM, hetta kemur av at norðurlond eru so sterk í hesari ítróttargrein.

Í finaluni gekk tó enn betri. Tey bæði, Rakel B. Tindskarð og Silas vom Forstwald vóru nú við heilt frammi í oddinum, og tá avtornaði endaðu tey á einum flottum øðrum plássið og tryggjaðu sær sostatt NM silvurheiðursmerkið.

Hetta má metast at vera sveinaroyndin hjá ungu reiðkvinnuni, ið nú av álvara hevur prógvað, at hon skal teljast við millum fremstu reiðfólkini innan gonguløg.

Ríðisamband Føroya