Rógvi Poulsen tekur yvir í AB

AB hevur tikið avgerð um at steðga samstarvinum við venjaran hjá besta liðnum, Símun Samuelsen, nú liðið hevur tveir dystir eftir, og stríðist fyri at yvirliva í bestu deildini.

- Tað er eingin loyna, at úrslitini hava verið ímóti okkum í ár. Tað eru tveir dystir eftir, og vit stríðast fyri at yvirliva í deildini, skrivar AB á heimasíðuni.

Rógvi Poulsen, høvuðsungdómsvenjari, tekur yvir tað, sum eftir er av kappingini. AB møtir KÍ á útivølli mikudagin og EB/Streymi á heimavølli á síðsta leikdegi.

Símun Samuelsen tók við í mars mánað tá Sorin Anghel steðgaði.

Nevndin hevur ikki fleiri viðmerkingar hesum viðvíkjandi, verður sagt.