Salah sendi Liverpool 11 stig frammum Leicester

Fyrsti dysturin í 17. umfari í Premier League varð leiktur á Anfield fyri løtu síðani. 

Watford fór frískliga til uppgávuna móti oddaliðnum og hevði ígjøgnum dystir nakrar góðar støður. Onkrar komu orsakað av feilum hjá Liverpool; m.a var Van Dijk nær við at alvera bóltin í egið mál. 

Mohammed Salah leggur her Liverpool á odda 1-0. Hann hevur nú níggju mál í Premier League (Mynd: EPA) 

Liverpool helt tó málið reint, og tað var nummar 11, ið við tveimum málum syrgdi fyri, at Liverpool í løtuni er 11 stig á odda í Premier League. Stutt fyri steðgin fekk egyptin eina alvering frá Mané í dýbdina, og eftir eitt trekk inn í brotsteigin sendi vinstrabeinti kantleikarin bóltin hegnisliga í longra málhorn við høgra beininum. Dysturin varð ikki avgjørdur fyrrenn í yvirtíðina, tá Salah á flottan hátt beindi eitt miseydnað skot frá Origi í málið.

Liverpool er flúgvandi og hevur 49 stig útav 51 møguligum. Leicester skal um eina løtu royna at minka um munin aftur.

17. umfar
14. desember

Liverpool - Watford 2-0 (1-0)
1-0 Mohammed Salah
2-0 Mohammed Salah

15.00: Burnley - Newcaslte
           Chelsea - Bournemouth
           Leicester - Norwich
           Sheffield United - Aston Villa 

17.30: Southampton - West Ham

Støðan: 
1. Liverpool (49 stig) *
2. Leicester (38 stig)  
3. Manchester City (32 stig)
4. Chelsea (29 stig) 
5. Manchester United (24 stig)  
6. Wolves (24 stig)
7. Tottenham (23 stig)
8. Sheffield United (22 stig)
9. Arsenal (22 stig)
10. Crystal Palace (22 stig)
11.  Newcastle (22 stig)
12. Brighton (19 stig)
13. Burnley (18 stig)
14. Everton (17 stig)
15. Bournemouth (16 stig)
16. West Ham (16 stig)
17. Aston Villa (15 stig)
18. Southampton (15 stig)
19. Norwich (11 stig)
20. Watford (9 stig) *

*Ein dyst fleiri