Salmundur er nú NSÍ-leikari

24-ára gamli miðvallarin er komin fyri seg eftir álvarsaman skaða. Hann spældi seinast í 2018. Tað var við TB/FCS/Royn, og nú fær Salmundur aftur Glenn Ståhl sum venjara.

Í 2018 spældi Salmundur Bech 29 dystir fyri TB/FCS/Royn og Glenn Ståhl, og áhugi var fyri honum norðanfyri. Nú er skiftið veruleiki (Mynd: Sverri Egholm)

2020-03-08 15:09

Agnar Prestá

24 ára gamli Salmundur Bech úr Porkeri var í 2018 ein av lyklaleikarunum hjá felagsliðnum í Suðuroynni, ið hevði Glenn Ståhl sum venjara.

Nú er Glenn Ståhl venjari hjá NSÍ, og í ár fer Salmundur at hava heimavøll við Løkin. Hetta kunngerð NSÍ í dag.

Tað lá í kortunum, at Salmundur Bech fór at skifta til NSÍ seinasta vetur, men so fekk sterki miðvallarin ein álvarasaman skaða, ið helt honum úti alt 2019.

[object Object] Salmundur skal aftur spæla undir Glenn Ståhl (Mynd: NSÍ)

Seinastu tíðina hevur hann vant við NSÍ, og nú er ein avtala komin í lag.

Tølini hjá FaroeSoccer vísa at Salmundur hevur spælt 82 dystir í Betri deildini umframt 8 dystir í kappingini um løgmamssteypið. Hann hevur skorað í alt 20 mál, og hevur umboðað FC Suðuroy, TB og TB/FCS/Royn. Salmundur spældi ein U21-landsdyst í 2018

NSÍ misti í vetur Peder Nersveen, og Pól Jóhannus Justinussen er fyribils givin. Haraldur Højgaard kom av Skála, og miðvallari kom eisini úr Sierra Lione (Noreg). Ivasamt er tó um Alfred Sankoh heldur fram.

Vinarliga broyt tínar kennifíla - og privatlívsstillingar fyri at síggja hetta innihald