Seinna hálvfinalan byrjar seint seinnapartin í morgin

Loksins kemur løtan. Nærum fýra mánaðir eftir at fyrra hálvfinalan varð spæld millum liðini á Eiði, hittast B68 og EB/Streymur á Svangaskarði. 

Tað gjørdu tey eisini 3. september, men tá spældi veðrið eitt puss, og dysturin varð útsettur. 

Í fyrstu syftu varð 11. oktober ásett sum dagfesting, men orsakað av landsliðsvirksemi - bæði EB/Stremur og B68 høvdu U-landsliðsspælarar - varð aftur neyðugt at flyta seinnu hálvfinaluna.

Liðini fóru ikki á vøllin at spæla fyrst í september, sum ætlanin var eina løtu (Mynd: Jens Kr. Vang)

Dysturin varð síðani ásettur til 25. oktober, og orsakað av vantandi ljósviðurskiftum á Svangaskarði bleiv fyri stuttum avgjørt, at dysturin skuldi byrja klokkan 16.15.

Tað hevði givið trupulleikar, um liðini fóru í longda leiktíð. Síðani hevði klokkan verið umleið 19, tá liðugt var, ella tá farið varð til brotssparkskapping. Tað hevði verið skýmligt og heldur ringt sýni- serliga um man ímyndar sær, at tað hevði verið "myrkt í veðrinum".

Tað er tó eydnast at fáa nýggju ljósini upp á Toftum. Hetta kom uppá pláss í gjár, hevur Portalurin fingið upplýst. Harvið er hetta eingin trupulleiki. Fyrsta bríksl verður to kortini lutfalsliga tíðliga, tá talan er um ein dag mitt í viku. Veðrið burdi ikki órógvað hesaferð.

B68 er á odda 3-0 eftir fyrru hálvfinaluna og er harvið á veg til sína fyrstu steypfinalu síðani 1995. 

Kappingin um Løgmanssteypið, seinna hálvfinalan
Í morgin, mikudagin 25.10
16.15: B68 (3) - EB/Streymur (0)