SÍ vann Bónuskappingina fyri kvinnuunglingar

SÍ vann Bónuskappingina fyri kvinnuungligar ímóti Mjølnir. Talan bleiv ongantíð um ein veruliga spennandi dyst.

SÍ luttók í seks av finalunum í Bónuskappingini, og við sigrinum hjá kvinnuunglingunum tók SÍ fimm sett av gullheiðursmerkjum og steypum heimaftur við til Sørvágs.

Ikki kann sigast annað enn, at Christiano R. Campos, venjari hjá SÍ, hevur hildið á, har sum Rajko Petrovic slepti.

SÍ vann fyrsta sett greitt, men í øðrum setti var Mjølnir betri við og meira spenningur var í hesum settinum. Tó kom Mjølnir ongantíð nærhendis eini hóttan av sigrinum hjá SÍ.

Dagsins leikari í dystinum var Sofía Weihe Simonsen úr SÍ.