Skulu royna seg í Wales

Føroyar byrjaðu undankappingini við at tapa 6-0 á heimavølli fyri Wales. Allarflestu leikararnir í walisika hópinum spæla í Onglandi og harvið á høgum støði. Wales er í løtuni nummar tvey í bólkinum, og harvið verður bitin stórur at svølgja hjá unga føroyska liðnum.

Har eru tó royndir leikarar við, sum Heidi Sevdal og eisini Olga Kristina Hansen, ið er við aftur, og føroyska liðið spældi sín greitt besta dyst í undankappingini seinast móti Hvítarusslandi (0-2)


Mynd: FSF/Bjarni Enghamar

Seinastu dagarnar hevur føroyska liðið fyrireika seg í Wales, og nú er dysturin beint fryi framman. Fyrsta bríksl í Newport verður klokkan 16.30. Dysturin kann síggjast her - vit dagføra eisini á forsíðu okkara.