Hondbóltur

Skulu spæla móti Ukraina í Litava

Vilnius verður karmur um EM-undankappingardystin millum londini 10. november. Ukraina kann ikki spæla í egnum landi vegna kríggið.

Føroyar vunnu greitt á Ukraina, tá liðini hittust á Hálsi í apríl í fjør - hetta í avgerandi dysti í EM-undankappingini. Tað var uppá tal, at liðini aftur skuldu hittast á Hálsi í november (Mynd: Sverri Egholm)

Føroyar vunnu greitt á Ukraina, tá liðini hittust á Hálsi í apríl í fjør - hetta í avgerandi dysti í EM-undankappingini. Tað var uppá tal, at liðini aftur skuldu hittast á Hálsi í november (Mynd: Sverri Egholm)

2024-09-10 15:03 Author image
Agnar Prestá
placeholder

Í síðstu EM-undankapping spældu Føroyar útidystin móti Ukraina í Týsklandi - hetta vegna russiska álopið á Ukraina.

Smá tvey ár síðani er støðan tíverri ikki øðrvísi. Fyri ukrainska hondbóltssamabandið merkir hetta millum annað, at man noyðist at finna nýggjan heimavøll.

Tað gekk heldur striltið til 2. umfar í undankappingini til EM 2026. Sum skilst var eina løtu uppá tal, at Føroyar skuldu hýsa hesum dystinum - sjálvt um Føroyar standa sum útilið.

Nú er tó greitt at EM-undankappingardysturin millum Ukraina og Føroyar, sunnudagin 10. november, verður leiktur í Vilnius í Litava

- Síðani kríggj brast á í Ukraina, hava ukrainar verið noyddir til at spæla teirra heimadystir uttanlands. Hetta er enn galdandi, og verður dysturin millum Ukraina og Føroyar leiktur í Avia Solutions Group Arena í Vilnius. Talan verður um tveir dystir í høllini hendan dagin, tá Litava og Norðurmakedonia eisini spæla tá, skrivar hsf.fo

Fyrst skulu Føroyar tó møta Kosovo á heimavølli í Høllini á Hálsi. Hetta ermikudagin tann 6. november kl. 19.00. Atgongurmerkini til hendan dystin koma til sølu í morgin, mikudagin 11. september, klokkan 12 á atgongumerki.fo
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder