Soleiðis verður býtið av áskoðaraplássum í Gundadali morgin

Tað hevur verið nakað av kjaki á sosialu miðlunum, um hvussu býti av áskoðarplássunum verður. Vanligt er, tá hesi liðini hittast, at KÍ-áskoðarar sita í"Bygdaskýlinum" - Trygdarskýlinum, og serliga í sunnara enda, og at B36-áskoðarar hava sítt egna skýli.

Les eisini: B36 skipar fyri stórari upphiting

Nú er greitt, at B36-fjeppararnir umframt at hava egið skýlið, skulu sita yvirav - í sunnara enda í Bygdaskýlinum. Hetta hevur B36 avgjørt saman við Tórshavnar kommunu avgjørt. Málið er skipað stadion-økið eitt sindur betur, enn vanligt er til landskappingardystir, boðar B36 frá.

(Trýst á myndina fyri at síggja størri) 

Roknast kann við nógvum fólki til dystin millum B36 og KÍ leygardagin. Á kortinum sæst, hvørji øki eru sett av til fjepparar, og hvørjar inngongdir kunnu nýtast á dystardegnum

Tað sæst, at KÍ-áskoðarar skulu sita í noðrara parti av Bygdaskýlinum, umframt í norðara enda av HB-skýlinum. Tað vil siga yvirav hvørjum øðrum, eins og áskoðarnir hjá B36. Hin helvtin av HB.skýlinum er tilskilað til uttanveltaðar áskoðarar, ið tað eisini kunnu væntast nógv av.  

Atgongumerkji eru í forsølu bæði hjá B36 og KÍ, og tað verða fleiri túsind áskoðarar til dystin í morgin. Væntast kann eisini, at tað verða sera nógvir áskoðarar, sum koma at verða á bakkanum og standa kring girðingina.

SÍ eisini: 
FM-dreymar í Gundadali - innslag um fyrireikingarnar hjá B36
20 ár síðani seinast - innslag um fyrireikingarnar hjá KÍ