Fótbóltur

Sonni Ragnar Nattestad dagsins leikari

Lesararnir hjá Portalinum kjósa føroyska málskjúttan í dystinum móti Eysturríki til dagsins leikara.

(Mynd: EPA)

(Mynd: EPA)

2021-03-28 23:37 Author image
Sverri Egholm
placeholder

Føroyski málskjúttin í Wien í kvøld, Sonni Ragnar Nattestad, er av lesarunum hjá Portalinum kosin dagsins leikari í landsdystinum millum Eysturríki og Føroyar. Tað er greitt nú atkvøðugreiðslan á forsíðuni endaði klokkan hálvgun tólv.

Sonni Ragnar Nattestad, sum við høvdinum legði Føroyar á odda 1-0 tá 19 minuttir vóru leiktir, fekk 26 prosent at atkvøðunum, og tað er tað mesta av teimum fimtan leikarunum, sum spældu fyri Føroyar í dag fingu.

[object Object]Sonni Ragnar Nattestad stútar bóltin í netið til 1-0 (Mynd: EPA)

Lesararnir meta eisini, at Brandur Hendriksson gjørdi tað gott í kvøld. Hann fær nevniliga heili 20 prosent av atkvøðunum.

Eftir dystin móti Moldova hósdagin, varð Meinhard Egilsson Olsen kosin dagsins leikari av lesarunum hjá Portalinum.

Eysturríki vann dystin í kvøld 3-1.

Mikudagin skulu føroyingarnir aftur í eldin á útivølli. Tá verður tað móti Skotlandi, og tað verður eisini klokkan 19:45.


placeholder
placeholder