Steypagull til B36 og Skála í gjár - fýra finalur í dag

Í gjár, fríggjadagin 4/10, vóru tvær steypafinalur spældar á Tórsvølli, og við hvør sínum sigri kunnu U13 genturnar hjá B36, og kvinnurnar hjá Skála kalla seg steypavinnarar 2024.

Hetta skrivar Fótbóltsamband Føroya á heimasíðu sínari.

Í finaluni fyri U13 gentur møttust B36 og felagsliðið hjá 07 Vestur og MB, og úrslitið gjørdist ein tepur 1-0 sigur til B36. Málskjúttin var Lív Herup Olsen.

Aftaná dystin var Súsanna Johndóttir hjá B36 vald til dagsins leikara.

Fegnar B36-gentur eftir tøttu finaluna (Mynd: Bjarni Enghamar/FSF)

Fleiri myndir frá dystinum síggjast á fsf.fo

Í finaluni í minnu steypakappingini hjá kvinnum stóðu Skála og FC Hoyvík yvir av hvør øðrum. Har vóru tað tær appelsingulu, ið fóru avstað við steypinum og gullkrónum við greiðum sigri

Skála vann 6-0, eftir 3-0 leiðslu í hálvleikinum. Sara Benjaminsen, ið varð dagsins spælari í U16-finaluni mikukvøldið, gjørdi trý mál. Arnfríð Jacobsen, ið eisini var kosin til dagsins leikara, skoraði tvey mál, meðann Sunnvá Fagradal gjørdi eitt.

Minna steypakappingin var kapping millum tey liðini, ið endaðu niðast í Betrideildini hjá kvinnum, umframt ÍF úr 1. deild. Her var Skála greitt sterkast (Myndir: Bjarni Enghamar/fsf.fo)

Í morgin, leygardagin eru fýra steypafinalur á skránni. Klokkan 10:30 spæla U13 dreingir, klokkan 12:30 U15 dreingir, og klokkan 15:15 fara U17 dreingirnir á vøllin. Dagurin endar við stóra finalubrakinum hjá kvinnum millum Víking og NSÍ, sum byrjar klokkan 18:30.

Steypafinalur 2024

Í gjár, fríggjadagin 4. oktober
U13 gentur: B36 – 07 Vestur/MB 1-0

Minna steypakap. kv: FC Hoyvík – Skála 0-6

Í dag, leygardagin 5. oktober
U13 dreingir: B36 – Víkingur (kl. 10:30)
Dómari: Dominick Troleis

U15 dreingir: Víkingur – B36 (kl. 12:30)
Dómari: Jákup V. Larsen

U17 dreingir: KÍ – Víkingur (kl. 15:15)
Dómari: Heri Wang Danielsen

Kvinnur: Víkingur – NSÍ (kl. 18:30)
Dómari: Andrass Frederiksberg

Sí eisini: 
NSÍ kann vinna fyri triðju ferð uppá fýra ár

Jensa Kannuberg Tórolvsdóttir: Finaluplássið vísir stóra menningararbeiði í felagnum

Sara Samson Lamhauge: -Steypafinalan er stuttligasti dysturin á árinum

Mikudagin 2. oktober
U16 gentur: KÍ – Skála 7-6 (Eftir brotsspørk)

Sí eisini: Fyrsta steypið fór til Klaksvíkar

Hósdagin 3. oktober
U21: B71 – ÍF 6-4 (Eftir brotsspørk)

Sí eisini: U21: B71 sigraði eftir brotssparkskapping

----------------------------------------------

Leygardagin 2. november
Løgmanssteypið: B36 – HB (kl. 17:00)