Steypakappingar í amboðsfimleiki um vikuskiftið

Um vikuskiftið verða steypakappingar í amboðsfimleiki í Bylgjuni í Runavík.

Føroya Fimleikasamband boðar frá, at 59 børn og ung eru meldaði til kappingarnar. Talan er um 35 dreingir/menn, og 24 gentur/kvinnur. Hesi eru frá HF, Støkk, og Ljósinum.

1. steypakapping verður leygardagin 13. februar, og 2. steypakapping verður sunnudagin 14. februar.

Kappingarnar verða stroymdar, og leinki til stroymingina verður at finna á Facebooksíðuni hjá Føroya Fimleikasambandi.

Skráin leygardagin

Kl. 10.30 byrjar kappingin fyri kvinnuunglingar, kvinnur, mansunglingar og menn.

Kl. 13.30 byrjar kappingin fyri stig 4, 5, 6 og 7 og piltar, smádreingir og dreingir.

Amboðini, sum kappast vera í leygardagin á kvinnusíðuni eru lop og forskotin barr, og á mannfólkasíðini eru gólv, ringar og beinsveiggj.

Skráin sunnudagin

Kl. 09.30 byrjar kappingin fyri kvinnuunglingar, kvinnur, mansunglingar og menn.

Kl. 13.30 byrjar kappingin fyri stig 4, 5, 6 og 7 og piltar, smádreingir og dreingir.

Amboðini sum kappast vera í sunnudagin eru á kvinnusíðuni biti og gólv, og á mannfólkasíðuni lop, paralell barr og reck.