StÍF stríddist móti yvirveldinum í Serbia

StÍF fekk eitt ógvuliga trupult lutakast, nú liðið aftur fór at royna seg í Europa Cup.

Liðið av Skálafjørðinum er í hesum døgum í Serbia. Oddaliðið í sterku deildini har bjóðaði føroyska felagnum ógvuliga góðar treytir, afturfyri at báðir dystirnir í 2. umfari í triðsterkastu evropeisku kappingini kundi spælast har.

StÍF hekk í, í løtum fyri steðgin, men samanlagt sást munurin millum nummar 1 í Serbia og nummar 4 í Føroyum. Nøkur mistøk og brendir møguleikar kostaðu, so tað ikki gjørdist 

Hetta var tó ein spennandi uppgáva hjá StÍF, og tað mennir helst eisini serliga teir mongu ungu spælararnir hjá liðnum.

Pauli Rasmussen, her í skotroynd undir venjing í Serbia, spældi ein góðan dyst í kvøld við millum annað sjey málum (Mynd: StÍF)

Ikki óvæntað gingu Pauli Rasmussen (7 mál uppá 9 skot) og Trúgvi Hávardsson (6 mál og 6 upplegg) á odda hjá StÍF í Vojovdina - allir málskjúttar síggjast niðanfyri.

StÍF og Vojvodina spæla aftur sunnudagin klokkan 17 føroyska tíð. Tað er sera ósannlíkt, at spenningur verður um samlaða úrslitið.

H71 hevur eisini risa uppgávu í Bosnia í morgin eftir tap við átta málum í fyrra dystinum.

European Cup 2. umfar, fyrri dysturin
Fríggjadagur 17. oktober klokkan
HC Vojvodina – StÍF 38-27 (17-11)

StÍF-liðið og málskjúttar

Seinnu dystirnir hjá føroysku mansliðnum í 2. umfari í European Cup:

Í morgin, leygardagin 18. oktober
18.00 RK Konjuh Zivinice – H71

Sunnudagin 19. oktober 
17.00 HC Vojvodina – StÍF