Annað

Støkk hevur níggju fimleikaframsýningar um vikuskiftið

Fyri at halda koronutilmælini eru fimleikaframsýningarnar ikki almennar í ár, men møguleiki verður at stroyma. Byrjað verður leygarmorgunin klokkan tíggju.

Tveir áskoðarar kunnu koma at hyggja pr. fimleikara og venjara (Mynd: stokk.fo)

2021-03-18 12:41

Agnar Prestá

Ársins fimleikaframsýningar hjá Støkk verða leygardagin 20. og sunnudagin 21. mars, og í ár eru tær 9 í tali.

- Fyri at halda koronutilmælini, eru fimleikaframsýningarnar ikki almennar í ár, men tveir áskoðarar kunnu koma at hyggja pr. fimleikara og venjara.

Hesum boðar Støkk frá í tíðindaskrivi.

Mynd: stokk.fo

Tað verður tó møguleiki hjá nógv fleiri at fylgja við, tí allar sýningarnar verða stroymdar ókeypis á netinum. Leinki til stroyming verður lagt út á heimasíðuna stokk.fo og Facebooksíðuna hjá felgnum, har skráin yvir sýningarnar verður.

Fyrsta sýningin í høllini við Løkin fer í gongd leygarmorgun kl. 10 og hildið verður fram til kl. 17.30. Sunnudagin verður fyrsta sýning klokkan 13, og væntandi er seinasta sýningin liðug klokkan 17 sunnudagin.

Vinarliga broyt tínar kennifíla - og privatlívsstillingar fyri at síggja hetta innihald