Fótbóltur

Stórdystur á Old Trafford

Fyrsti innanhýsis "topp-6" dysturin í ár er longu nú seinnapartin - bæði liðini hava nógv at prógva.

Manchester United og Chelsea bresta saman - Mynd: EPA

Manchester United og Chelsea bresta saman - Mynd: EPA

2019-08-11 13:38 Author image
Agnar Prestá

Liverpool, Manchester City og Tottenham komu øll frá byrjan við sigrum. Tað var sannførandi hjá liðunum, ið stríddust um meistaraheiti til tað síðsta í fjør, meðan Tottenham hevði tógvið stríð av uppflytarunum, Aston Villa. Tvey Harry Kane-mál til endans gjørdu tó munin. 

Í dag skal Arsenal royna at fáa eina góða byrjan; spenanndi liðið hjá Unai Emery er favorittur í Newcastle, ið hevur havt eitt summar við rumbli. Tann dysturin, eins og dysturin í Leicester, byrjar nú klokkan 14.00.

[object Object]
(David Luiz er nú Arsenal-leikari - Mynd: EPA)

Á pappírinum størsti dysturin í umfarinum byrjar klokkan 16.30. Tað eru tó tvey lið við nógvum spurnarteknum knýtt at sær, ið hittast.

[object Object]
(Ole Gunnar Solskjær fer undir sítt fyrsta fulla kappingarár sum United-venjari - Mynd: EPA)

Manchester United megnaði ikki at røkka topp-fýra í fjør, og ivasamt er, um liðið er nóg gott at røkka hesum í ár heldur. Tað eydnaðist ikki at styrkja um miðvøllin og álopskenda partin, áðrenn flytingarvindeygað stongdi, og Paul Pogba tykist ikki at ynskja at spæla fyri felagið longur. Venjarin hevur mestum bara royndir á økinum í Noreg, og hóast eina góða byrjan hjá Solskjær, so gekk tað skjótt og ógvusligt niðureftir seinastu mánaðirnar áðrenn summarsteðgin. 

[object Object]
(Teir eru báðir legendur sum leikararí sínum feløgum, men hava nógv at prógva sum venjarar) 

Frank Lampard hevur bert eitt ár sum høvuðsvenjari; nú hevur hann fingið handað møguleikan at standa odda fyri sínum gamla felagið. Hann var nær við at føra Derby upp í Premier Legue; nú er avbjóðingin at standa á odda fyri einum liðið, sum hevur mist Hazard, og sum ikki hevur fingið keypt inn í summar. Chelsea er, eins og United, á pappírinum veikari enn oddaliðini frá í fjør, men liðini skulu nú prógva, at tey kunnu vera við.

[object Object]
(Frank Lampard er aftur í Chelsea - hesaferð er hann ovasti maður á brúnni - Mynd: EPA)

Dysturin í dag kann gerast ein nýggj góð byrjan fyri Lampard ella Ole Gunnar Solskjær, ið áður hava dystast ímóti hvør øðrum fyri hesi feløgini


Premier League 1. umfar

11/8:
14.00:
Leicester - Wolves
Newcaslte - Arsenal

16.30: 
Manchester United - Chelsea 

9/8:
Liverpool - Norwich 4-1 (4-0)
Sjálvmál 1-0
Mohammed Salah 2-0 
Virgil Van Dijk 3-0
Divock Origi 4-0
Teemu Pukki 4-1

10/9:
West Ham - Manchester City 0-5 (0-1)
Sjálvmál 0-1
Raheem Sterling 0-2
Raheem Sterling 0-3
Sergio Aguero (br.) 0-4
Raheem Sterling 0-5

Bournemouth - Sheffiel United 1-1 (0-0)
Burnley -Southampton 3-0 (0-0)
Crystal Palace - Everton 0-0
Watford - Brighton 0-3 (0-1)

Tottenham - Aston Villa 3-1 (0-1)
John McGinn 0-1
Tanguy Ndombele 1-1
Harry Kane 2-1
Harry Kane 3-1


 

placeholder
placeholder