Framvegis størst spenningur í botnstríðnum

Fýra dystir í 22. umfari í Betrideildini hjá monnum eru spældir í dag.

22. umfar í Betrideildini
Í dag, sunnudagin 15.09
EB/Streymur - ÍF 2-1 (1-0)
29' Boubacar Dabo 1-0
46' Emil Weihe Joensen 2-0
52' Ruben Møller Nielsen 2-1

B36 - NSÍ 2-2 (1-1)
30' Zean Dalügge 1-0
32' Jasper van der Heyden 1-1
51' Zean Dalügge 2-1
64' Petur Knudsen, br. 2-2

KÍ - HB 1-0
6' Páll Andrasson Klettskarð (Árni Frederiksberg) 1-0

B68 - Víkingur 1-2 (0-1)
22' Jørgen Nielsen (Olaf Bárðarson) 0-1
51' Sølvi Vatnhamar, br. 0-2
90 (+4)' Hjalti Strømsten 1-2

Í gjár, leygardagin 14.09
Skála ÍF - 07 Vestur 4-1 (2-0)
Maxwell Effiom 15' 1-0
Karl Martin Johansen 21' br. 2-0
Ragnar Skála 52' 3-0
Filip Brattbakk 63' br. 3-1
Maxwell Effiom 90+2 4-1

Sí eisini: Skála lyfti seg í botnstríðnum

Víkingur stevnir víðari móti FM, meðan B68 er fýra stig frá strikuni. Hetta er greitt eftir seinasta dystin í dag, sum var á Svangaskarði. Víkingur var væl betri og hevði fult tamarhald á størsta partin av dystinum, og liðið hjá Jóhan Peturi Poulsen vann sín 12. dyst á rað. Fyrrverandi Víkinga-verjuspælarin Hjalti Strømsten skoraði helst ársins mál í 94. minutti, men ov seint var. Jákup á Borg og hansara menn hava innanhýsis dystir eftir móti Skála og EB/Streymi - teir verða helst avgerandi.

KÍ er einasta liðið, sum kann bjóða Víkingi eitt sindur av. Í dag vann KÍ fyri fyrstu ferð á HB í ár - liðið hjá Adolfo Sormani tapti fyri triðju ferð á rað. Árni Frederiksberg og Páll Andrasson Klettskarð stóðu fyri flottum máli eftir fimm minuttir, og hetta gjørdist tað einsta í klassikaranum, har KÍ var betri mannað enn HB.

B36 skal allarhelst dúva uppá steypafinaluna, um liðið skal røkka Evropa. Hetta er greitt, eftir at kappingarneytarnir NSÍ vitjaðu í dag og fingu eitt stig. B36 var annars leikliga omaná, var á odda 1-0 og 2-1, men vantaði skaprleika í nøkrum førum, og NSÍ - Jasper van der Heyden og Petur Knudsen - revsaði mistøk Fimm umfør eftir og fimm stig skilja liðini. Hoseth og hansara menn hava á pappírinum truplari dystarskrá enn NSÍ.

EB/Streymur vann aftur ein umráðandi heimasigur, tá botnliðið vitjaði. Boubacar Dabo og Emil Weihe Joensen vórðu avgerandi. ÍF minkaði um munin eftir steðgin, men heimaliðið var omaná. Á 7. plássi og fimm stig niður til B68: Liðið hjá Sigfríði Clementsen sær ikki í heilt stóran vanda aftur - men nú koma truplari dystir.

Meira seinni