Hondbóltur

Tepurt tap í seinna venjingardystinum

Føroyar taptu hesaferð við tveimum málum ímóti Finnlandi.

2018-10-07 12:38 Author image
Agnar Prestá
placeholder

Føroyska A-landsliðið hjá monnum er í Finnlandi í vikuskiftinum, og fyrrapartin varð seinni venjingardysturin ímóti finska landsliðnum leiktur.

Í gjár taptu Føroyar 29-25; í dag skoraðu føroyingar aftur 25 mál, men munurin var minkaður niður í tvey. 

Tað leikaði javnt á í 1. hálvleiki, men finnar trektu frá ímóti endanum, og í steðginum var støðan 15-12 til Finnland. Føroyingar komu ongantíð uppá javnt aftur. Í 2. hálvleiki gjørdi føroyska liðið nakrar tekniskar villur og fekk nakrar útvísingar, ið kostaðu.

Heimasíðan hjá HSF skrivar, at sum heild var hetta ein betri leiktur dystur enn í gjár.

Føroyska liðið hevur nú fingið nakrar venjingar saman og tveir góðar venjngadystir í beinini. Seinni í mánaðinum bíða tvær væl størri uppgávur; Makedónia og Danmark í EM-undankappingini. 

Peter Krogh gjørdist aftur føroyskur toppskjútti; eins og í gjár við 7 málum.  

Hinir føroysku málskjúttarnir: Fríði Weyhe og Jónas G. Djurhuus 4, Rókur Akralíð, Rói Berg Hansen og Vilhelm Poulsen 2, Brandur Halgirson, Hans Eli Sigurbjørnsson, Helgi Hoydal og Vilhelm Vilhelmsen 1

Eins og í gjár spældu Kjartan Johansen og Rógvi Dal-Christiansen ikki. Báðir hava smáskaðar at dragast við. 


placeholder
placeholder