Tíggju-máls sigur í Vestmanna

Føroyar og Grønland leiktu aftur venjingardyst í dag. Hesaferð var tað í Vestmanna, har Ingi Olsen sostatt var á heimavølli.

Dysturin varð leiktur bert eitt lítið samdøgur eftir dystin á Hálsi í gjárkvøldið, og hetta merktist í ein mun: Leikferðin var ikki so høg, góðskan í serliga álopsspælinum var ikki tann besta og teksnisku feilirnir  vóru heldur nógvir. Tað komu ellivu mál færri enn í gjár, men hetta gjørdist tó ein fínur venjingardystur fyri føroyska liðið, ið Sonni Larsen og føroyska liðið kunnu brúka til nakað. Serliga verjuparturin eydnaðist væl.

Aftur í dag vóru Føroyar væl sterkari og trektu av álvara ímóti endanum í 1. hálvleiki. Í steðginum var munurin sjey mál, og Grønland kom ikki tættari uppá í 2. hálvleiki. Tað vóru 12 ymiskir málskjúttar hjár Føroyum; toppskjútti var Allan Norðberg við fimm málum. 

Føroyska liðið sær nú fram ímóti dystunum móti Ukreina í EM-undankappingini í apríl.

Føroyar - Grønland 29-19 (17-10)

Sí eisini myndir frá dystinum