Trump undrast á taktikkin hjá Tuchel: Hví var Harry so langt afturi

Eftir hálvfinalutapið móti Argentina hevur Thomas Tuchel, av røttum, fingið nógvar atfinningar fyri hansara taktisku avgerðir í 2. hálvleiki móti Argentina.

Enski venjarin valdi skjótt eftir leiðslumálið at gerast ógvuliga verjukendur, og skifti millum annað til at spæla við trimum miðverjum. Hetta gav baksláttur: Lionel Messi og Argentina fingu framtakið, tamarhaldið og vunnu 2-1.


Lionel Messi og Argentina aftur í HM-finaluni, meðan tað aftur endaði við vónbroti hjá Harry Kane og teimum. Meðan Messi fyrireikar seg til finaluna, skal Kane spæla bronsudyst  - og varð hann nevndur í tíðindafundi hjá Trump  (Mynd: Dylan Martinez/Reuters/Ritzau Scanpix)

Sí eisini: Argentina vendi øllum á høvdið í Atlanta og verjir framvegis HM-heitið

Thomas Tuchel hevur sjálvur staðfest, at Ongland gjørdist ov "passivt", men at hann ikki angrar taktisku avgerðirnar: - Eg royndi at hjálpa liðnum, men vit fingu ikki úrslitið, so eg taki ábyrgd fyri avgerðirnar, sum vórðu tiknar í stressi í dystunum.

Ein, sum undrast á avgerðirnar hjá Tuchel, er Donald Trump.

Amerikanski forsetin og ein av vinum hansara, Gianni Infantino, høvdu tíðindafund í sjálvum Trump Tower í New York í gjár. 

Har rósti FIFA-forsetin sínari egnari stóru kapping upp um skýggja. Millum annað helt Gianni Infantino, at hann og Trump fingu "savnað heimin til størsta mentanarliga tiltak í heiminum", og at "amerikanski dreymurin gekk út"

Donald Trump og Gianni Infantino Mynd: Mandel Ngan/AFP/Ritzau Scanpix

Donald Trump hevði eisini orðið. Umframt at tosa um sjálvt HM-endaspælið, kom forsetin inn á avgerðina hjá onglendingunm við at vera so verjukendur. Serliga viðvíkjadi Harry Kane, sum amerikanski forsetin spældi golf saman við í Florida í fjør.

- Har er ein framúrskarandi spælari hjá Onglandi, sum eg havi spælt golf saman við - Harry. Eg haldi kanska, at tey gjørdu eitt mistak við at lata hann vera so verjukendan seint í dystinum: Man tók besta spælaran og setti hann í verjuna. Men hvat veit eg, um at vera venjari, staðfesti Trump so við einum smíli

Sum ungur spældi Donald Trump nakað av "soccer". Nú prikaði hann eitt sindur til ein av HM-venjaranum, dagin fyri at sjálvur forsetin skal handa steypið.

Ongland og Kane spæla um bronsuna klokkan 22 í kvøld føroyska tíð. Tað verður aðru ferð seinastu trý HM-endaspølini - fronsku silvurvinnararnir frá 2022 bíða í Miami. Talan verður um seinasta dystin hjá Didier Deschamps eftir 14 ár, áðrenn Zinedine Zidane tekur við.

Bronsudysturin sæst á DR1/DRTV. Finalan millum Argentina og Spania byrjar sunnduagin klokkan 20 lokala tíð.