Fótbóltur

Tungur burður hjá B36

2-0 tap í Riga og í næstu viku skulu Hoseth hansara menn reisa seg í Føroyum. Seinna málið hjá Auda kom seint í dystinum.

Magne Hoseth skal hyggja uppá ymiskt til næstu mikudag, tá B36 skal royna at venda tí (Mynd: Ingi Arge)

Magne Hoseth skal hyggja uppá ymiskt til næstu mikudag, tá B36 skal royna at venda tí (Mynd: Ingi Arge)

2024-07-10 22:26 Author image
Agnar Prestá
placeholder

Tað var ikki langt frá, at B36 fekk eitt toluligt útgangsstøði til seinna dystin í 1. umfari í Conference League, men í 85. minutti økti Auda til 2-0.

Harvið noyðast menninir hjá Magna Hoseth at skora minst tvær ferðir á Tòrsvølli um eina viku fyri at koma víðari.

Dysturin var ikki at síggja á almennari stroyming, men hagtølini vísa eitt yvirtak til heimaliðið – hóast B36 eisini hótti nakrar ferðir. Auda hevði bóltin væl meira, hevði 18 skot, í mun til fimm hjá B36 og hevði eisini trý fleiri hornaspørk.

Seinni dysturin millum liðini verður spældur á Tórsvølli mikudagin 17. juli klokkan 18. Í morgin spælir Víkingur Conference League-dyst í Lettlandi.

UEFA Europa Conference League 1. umfar - fyrri dystirnir
Mikudagin 10.07
Auda - B36 2-0 (1-0)
12' Abdulrahman Taiwo 1-0
85' Abdoui Kader Traore 2-0

Meira um dystin her

[object Object]

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder