U17-genturnar byrjaðu undankappingina við at vinna á litavisku vertunum

Talan er um ein langan føroyskan fótbóltsdag, og hann fekk eina fantastiska byrjan, tá U17 gentur settu hol á EM undankappingina í Litava við 2-1 sigri

Hetta skrivar Fótbóltssamband Føroya á heimasíðu sínari. 

Dysturin var móti Litava, og var tað liðskiparin Fríða Magnusardóttir Jakobsen, sum legði Føroyar á odda eftir hornaspark, tá 20 minuttir vóru spældir. Eftir hálvan tíma  økti Eydna Dalheim Olsen til 2-0, sum eisini var hálvleiksstøðan 

- Føroyska yvirvágin var greið gjøgnum meginpartin av dystinum, og hóast Litava minkaði um munin út ímóti dystarenda, so hálaðu okkara gentur sigurin trygt í hús, skrivar FSF.

Mánamorgunin, 27. mars, spæla Føroyar móti Moldova. Fyri løtu síðani vann Grikkaland 5-0 á Moldova.

Føroyska liðuppstillingin og meira kunning um dystiná uefa.com