Agnar Prestá
Honfbóltssamband Føroya skrivar á heimasíðu sínari, at um vikuskiftið varð greitt, hvørji lið skulu spæla Faxe Kondi-finalurnar hjá U18. Kyndil og Neistin hava vunnið seg í finaluna hjá gentum, og StÍF og Neistin hjá dreingjum.
Allar hálvfinalurnar vórðu leiktar leygardagin (02.02) Hjá gentum verður talan um eina reina havnarfinaluna, eftir at Kyndil vann greitt á Stjørnuni, og Neistin koppaði steypavinnarunum frá í fjør.
Hjá dreingum vann StÍF stórsigur á næstbesta liðnum hjá Neistanum, men A-liðið hjá teimum bláu úr Havn gjørdi eins og genturnar og vann á H71. Dreingirnir hjá Neistanum vunnu tryggan sigur. Hoyvíkingar hava vunnið steypakappingina hjá Dreingir U18 seinastu seks árini.
Gentur U18:
Hálvfinala 1: Kyndil – Stjørnan 28-14
Hálvfinala 2: Neistin – H71 (Úrslitið ikki tøkt)
Dreingir U18:
Hálvfinala 1: StÍF – Neistin b 30-17
Hálvfinala 2: Neistin a – H71 26-16
Finalurnar verða leiktar 23. februar. U18 er tann elsta ungdómsdeildin.
Komandi vikuskiftið verða finaluliðini í øllum hinum ungdómsdeildunum funnin.
Vinarliga broyt tínar kennifíla - og privatlívsstillingar fyri at síggja hetta innihald