Tíðindaskriv
Í morgin, hósdagin 29. februar klokkan 14.00, verður lutakastið til EM-endaspølini hjá U18- og U20-monnum, sum eru á skránni seinni í ár. Áður hava EM-endaspølini hjá ungdóminum talt 16 lið, og er hetta fyrstu ferð at kappingin telur 24 lið.
EM-endaspælið hjá U20 verður leikt í tíðarskeiðnum 10. – 21. juli í Celje í Slovenia. Hesin árgangurin bleiv nummar 9 í U18 EM-endaspælinum í 2022 og nummar 8 í HM-endaspælinum í 2023.
Føroyar eru styrkismettar í potti 2 hjá U20. Liðini eru styrkismett í 4 løg, sum verða drigin í 6 bólkar á 4 lið.
Pottur 1: Spania, Svøríki, Týskland, Ungarn, Kroatia, Danmark
Pottur 2: Norra, Portugal, Slovenia, Føroyar, Ísland, Montenegro
Pottur 3: Serbia, Frakland, Pólland, Italia, Eysturríki/Kekkia/Norðmakedonia*
Pottur 4: Eysturríki/Kekkia/Norðmakedonia,* Ukraina, Ísrael, Sveis, Rumenia, Grikkaland.
*Tvey av hesum liðunum verða drigin í pott 3 og eitt í pott 4
Les meira: U20 EM: Føroyar í næstovasta styrkisbólki
EM-endaspælið hjá U18 verður leikt í tíðarskeiðnum 7. – 18. august í Podgorica í Montenegro. Føroyar eru styrkismettar í potti 3.
Pottur 1: Spania, Týskland, Svøríki, Kroatia, Danmark, Ísland
Pottur 2: Ungarn, Slovenia, Montenegro, Portugal, Noreg, Frakland
Pottur 3: Serbia, Føroyar, Pólland, Kekkia, Sveis, Eysturríki
Pottur 4: Grikkaland, Norðurmakedonia, Rumenia, Ísrael, Ukraina, Itali
Vinarliga broyt tínar kennifíla - og privatlívsstillingar fyri at síggja hetta innihald