U19 gentur: Føroyar vunnu 4-2 á Malta

U19-landsliðið við gentum luttekur í hesum døgum í EM-undankapping í Armenia, og tað gjørdist til ein 4-2 sigur hjá føroysku gentunum í fyrra dystinum móti Malta í dag.

Tað var Malena Olsen, sum legði Føroyar á odda í 39. minutti. Malta javnaði í 59. minutti og legði seg síðani á odda í 76. minutti, men Føroyar komu skjótt fyri seg aftur.

Við tveimum málum í 81. og 84. minutti, togaði Lisa Haraldsen Føroyar fram um aftur á máltalvuni, og í 88. minutti slóg Anna Brændstrup føroyska sigurin fastan.

Mánadagin 10. apríl, annar páskadagur, skulu Føroyar hitta vertstjóðina, Armenia, skrivar Fótbóltssambandið.