Fótbóltur

U21-liðið er til reiðar í Montenegro

Eli Hentze og Hegga Samuelsen hava sett liðið. Bæði Føroyar og Montenegro skulu reisa seg eftir tap fyri Kasakstan.

Seinast Ari Olsen og hinir vóru í landsliðstroyggjuni var tíðliga í juni, tá Kasakstan vitjaði á Svangaskarði í fyrsta dystinum í undankappingini (Mynd: Sverri Egholm)

Seinast Ari Olsen og hinir vóru í landsliðstroyggjuni var tíðliga í juni, tá Kasakstan vitjaði á Svangaskarði í fyrsta dystinum í undankappingini (Mynd: Sverri Egholm)

2019-09-06 15:22 Author image
Agnar Prestá
placeholder

Tað er dystur nummar tvey hjá báðum liðunum. Í juni taptu bæði fyri Kasakstan á heimavølli (Føroyar 1-3) og (Montenegro 1-2), og tí skulu bæði liðini á ein hátt reisa seg.

Les eisini: Føroyskt vónbrot á Svangaskarði

Føroyska liðið hevur fyrireika seg væl síðani týsdagin í Montenegro. Tað hevur verið heitt, men hitin burdi ikki ávirkað í Niksic í kvøld. Dysturin verður leiktur klokkan 20 lokala tíð, 19 føroyska tíð. 

[object Object]
(Føroyski hópurin til venjing í Podgorcia mikudagin - Mynd: FSF)

Føroyska liðið er greitt undirtippað men er við gott mót:

- Síðsta hond er løgd á fyrireikingarnar, og nú er bara at bíða eftir dystinum. Vit eru klárir, sigur Eli Hentze. 

Landsliðsvenjararnir hava nú sett liðið. Talan verður um eina 4-5-1/4-3-3 leikskipan.

Føroyska liðið: Rói Zachariassen - Ari Olsen, Bjarni Petersen (L), Ólavur Niclassen, Daniel Johansen - Petur Knudsen, Janus Svabo Samuelsen, Magnus Holm Jacobsen (tann aftasti á miðvøllinum), Jákup Biskopstø Andreasen, Lukas Greena Giessing - Stefan Radosavljevic

Eykaspælarar eru: Silas Eyðsteinsson, Victor Emil Boje Henriksen, Bjarki C. Nielsen, Mads B. Mikkelsen, Pætur J. Petersen, Hannes Agnarsson og Hugin Samuelsen.

U21 EM-undankapping - bólkur 6
06.09, Niksic City Stadium
(Kl.19): Montenegro - Føroyar

Til ber at fylgja gongdini á heimasíðuni hjá UEFA.

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder