U21: Skulu aftur royna seg móti Spania

Frítíðarstaðið í Andalusia í sunnara parti av Spania verður í kvøld karmur um dystin millum topp og botn í bólki 6 í EM-undankappingini fyri U21-landslið.

Føroysku leikararnir komu til staðið mánakvøldið, og teir lata heilt væl at umstøðunum og eru uppsettir at prógva, at hóast 16 stig eru ímillum liðini, so kunnu Føroyar aftur geva spaniólum ein skarpan gang.

Tað gjørdu Føroyar á Tórsvølli fyri einum mánaði síðani, tá Spania ikki fekk hol á, fyrrenn AC Milan-leikarin, ið er útleiðagur frá Real Madrid, Brahim Diaz varð skiftur inn. Føroyar høvdu sínar málmøguleikar, men Diaz lukkaðu dystin í yvirtíðini.

Mynd: Bjarni Enghamar

Føroyska U21-landsliðið hevur sæð gott út undir Sámal Erik Hentze. Í september vunnu Føryar 3-1 á Svangaskarði á Ísrael og spældi upp ímóti Norðurmakedónia (1-2). Fimm dagar eftir dystin móti Spania í oktober vunnu Føroyar 1-0 á Montenegro á Svangaskarði. Dysturin í kvøld verður higartil truplasta uppgávan.

Tað eru upp ímóti 19 hitastigum í løtuni í Marbella, men hiti burdi ikki ávirkað í kvøld. Dysturin veðrur bríkslaður í gongd klokkan 19 lokala tíð - 18 føroyska tíð. Sum skilst ber ikki til at stroyma hann.