Váttað: Teitur og Árni frá byrjan

Nú nærkast til dystin móti krútsterka spanska liðnum á Tórsvølli. Tjóðaleikvøllurin verður fullur, og Føroyar skulu royna at standa ímóti spanska týstinum og góðskuni.

Les eisini: Ein av heilt stóru uppgávunum

Nú smáir fýra tímar eru til dyst, so er eisini greitt, hvussu Lars Olsen og Jóannes Jakobsen hava valt at blanda kortini: 

Teitur Matras Gestsson, Gilli Rólantsson Sørensen  Atli Gregersen, Odmar Færø, Viljormur Davidsen - Sølvi Vatnhamar, Brandur Hendriksson Olsen, Heini Vatnsdal, Árni Frederiksberg - Hallur Hansson - Klæmint Andrasson Olsen.

Talan er um fyrsta undankappingardyst frá byrjan hjá Teiti Gestssyni og Árna Frediksberg. Talan er um tveir, ið hava verið profilar í Betrideildini og sum nú sleppa av álvara at royna seg. Heini Vatnsdal byrjar annan dystin á rað inni á verjukenda miðvøllinum; hann noyddist tó út við skaða tíðliga í dystinum í Rumenia. Toppskjúttin í Betrideildini skal royna at fáa sítt fyrsta landsliðsmál móti De Gea, Ramos og co. René Shaki Joensen byrjar á bonkinum, eftir at hann hevur verið ivasamur í vikuni. 

Á bonkinum frá byrjan: Karstin Hansen, Kristian Joensen, Magnus Egilsson, Andrias Høgnason Eriksen, Rógvi Baldvinsson, Rene Shaki Joensen, Kaj Leo í Bartalsstovu, Meinhard Egilsson Olsen, Jákup Biskopstø Andreasen, Patrik Johannesen og Jóannes Bjartalíð.

Fyrsta bríksl er klokkan 19.45. Vit hava myndir frá dystinum, og eftir hann taka vit samanum og fáa viðmerkingar.