VFF Cup: EB/Streymur er á vitjan á Skála í kvøld

Kavi hevur forðað VFF Cup og venjingunum hjá feløgunum at koyra sum vant. Nú byrjar tað tó at gerast munandi betri, og í gjár var ein venjingardystur í Gundadali. Har vann HB greitt i grannauppgerðini

Ein annar dystur skuldi verða leiktur í gjár. Hann var ímillum EB/Streym og Skála, ið upprunaliga skuldu spæla í vikuskiftinum. Men nógvi kavin darvaði í báðum førum.

(Vøllurin varð ruddaður á Skála í gjár - Mynd: Skála IF)

Í gjárkvøldið varð vøllurin á Skála ruddaður, so tað er spælandi har í kvøld. Skála hevur sjey stig fyri tríggar dystir í kappingini og kann koma uppá javnt við HB við einum sigri í kvøld.

Fyrsta bríksl undir Mýruhjalla er klokkan 18.30.