Agnar Prestá
Føroyska kvinnulandsliðið fekk í gjár stig á fyrsta sinni í einum Nations League-dysti. Hetta í áttandu royndini samanlagt og tí aðru í 2025-útgávuni av kappingini.
Føroyar vóru favorittar og vóru eisini omaná á Europa Point leikvøllinum í Gibraltar í gjárkvøldið.
Heidi Sevdal skoraði einasta málið í dystinum, sum eisini var heilt gott. Málið sæst frá 2.42 á videobrotinum omanfyri, har nøkur hæddarpunkt eru.
Hetta var fyrsti kappingardystur á heimavølli nakrantíð hjá Gibraltar.
UEFA Nations League 2025 - Deild C, bólkur 1
2. umfar, týsdagin 25. februar
Gibraltar - Føroyar 0-1
70' Heidi Sevdal (Jensa Kannuberg Tórolvsdóttir) 0-1
Føroyar: Óluva Allansdóttir Joensen - Jancy Mohr, Birita Ryan, Durita Hummeland, Tórunn Højgaard Joensen - Sara Samson Lamhauge, Sanna Svarvadal - Eyðvør Klakstein (46' Jensa Kannuberg Tórolvsdóttir) , Malena Olsen (46' Petra Hoydal), Fridrikka Clementsen - Heidi Sevdal.
Anna Brændstrup, Julia Naomi Mortensen og Rakul Sørensen komu eisini á vøllin í 2. hálvleiki. Hjá Rakuli var talan um allarfyrsta A-landsdystin.
Ásla Johannesen, liðskipari, var ikki nóg birg at spæla. 19-ára gamla Jancy Mohr úr KÍ byrjaði inni í sínum fyrsta A-landsdysti
Les um dystin her: Føroyar fingu søguligan sigur á Gibraltar
Vinarliga broyt tínar kennifíla - og privatlívsstillingar fyri at síggja hetta innihald