Video: Heilsaðu upp á koronarakta liðskiparan

"Andy, hann er okkara... Andy, hann er okkara".

Tað gjørdist ein serstøk finala í gjárkvøldið hjá Andrias Eriksen, sum vanliga er liðskipari hjá B36. Hann varð fyrr í vikuni raktur av koronu, og er tí í sóttarhaldi á Hotel Djurhuus í nakrar dagar.

Eftir dystin, sum B36 sum kunnugt vann eftir brotssparkskapping ímóti NSÍ, gjørdu liðfelagarnir eitt legg oman til Hotel Djurhuus yviri við Strond, og heilsaðu upp á Andrias Eriksen sum stóð í kamarvindeyganum.

Sí upptøkuna omanfyri sum B36 hevur gjørt.

Við FM1 í gjárkvøldið segði Andrias Eriksen, at hann hevði verið ein biltúr á Niðara vøll meðan brotssparkskappingin var. Har stóð hann einsamallur og upplivdi steypafinaluna í fjarstøðu.

Sí eisini: Stór myndarøð: B36 fór avstað við øllum

Les eisini: B36 er steypavinnnari

Andrias Eriksen (Savnsmynd: Jens Kr. Vang)