Agnar Prestá
Berlin, Týskland (Portalurin) - Serbia er kanska fysiskt sterkasta liðið í kappingini. Teir eru í miðal helst 10-15 kilo tyngri enn okkara (...) Í álopinum spæla teir nógv og væl uppá strikuspæl: Vit skulu møta teimum væl og royna at nokta teimum atgongd.
Soleiðis sigur Julian Johansen í Berlin í morgun.
Á veg til venjing í parti av Max Schmeling-høllini reyk eitt dekk á bussinum í einum svingi, men fyiruttan at ein av leiðarunum datt, so hendi einki álvarsamt.
Liðið er annars væl hugsavna um stóru uppgávuna í morgin, sigur Julian. Hugsað verður ikki um, at tað er ein HM-fjórðingsfinala:
- Vit hava bara fokus á Serbia nú og royna at fyrireika okkum so væl sum gjørligt. Vit hava lagt góðu úrslitini í ryggsekkin, og vit hava ein mentalvenjara (Jens á Skipagøtu, red.), ið nýtir nógva tíð at tosa við spælararnar um uppgávuna.
Portalurin fekk orðið á ein av U21-landsiðsvenjarunum, áðrenn seinasta venjingin undan dystinum móti Serbia byrjaði. Føroyska liðið vandi nógv álopsspæl. HM-fjórðingsfinalan byrjar klokkan 12.15 í morgin, og kann síggjast í Kringvarpinum.
Meira seinni...
Sí eisini:
Rói Ellefsen á Skipagøtu: Eru góðir til at halda fokus og hyggja frameftir
Bogi Hansen: - Hetta kann blíva ordiliga stórt
Myndir: - Byrjaðir at fyrireika seg í Berlin
Vinarliga broyt tínar kennifíla - og privatlívsstillingar fyri at síggja hetta innihald