Video: Tá Noreg vann á Onglandi fyri 45 árum síðani

- Margaret Thatcher, your boys took a hell of a beating

Hesi eru nøkur av víðagitnu orðunum hjá legendariska NRK-frásøgumanninum Bjørge Lillelien. Tey eru endurtikin ofta seinastu dagarnar, sum klippið er farið í umferð, í sambandi við at Ongland og Noreg skulu spæla HM-fjórðingsfinaluna.

Orðini vórðu fyrstu ferð søgd 9. september 1981, tá Ongland vitjaði í Oslo, og Noreg á fyrsta sinni vann á júst Onglandi. Hetta var í undankapping til HM 1982, har Åge Hareide, sáli, var ein av spælarunum.

Fótbóltsins móðurland hevði tá nógvar stórar profilar, og fimm ár á rað hevði eitt lið úr Ongland vunnið Europa Cup fyri meistaralið (seinni Champions League)

Alskurin til enskan fótbólt var longu tá stórur í Noreg. Besta enska deildin sást longu í norskum sjónvarpi frá 1969, og tá staðfest var, at Ongland fór av Ullevaal við ongum, gjørdi Lillelien, sáli ikki lítið av.

Sí kenda videobrotið ovast ella á Youtube

Í undankappingini til HM í 1994 átti Noreg stóran leiklut í, at Ongland ikki spældi seg víðari. Liðið hjá Egil "Drillo" Olsen spældi javnleik á Wembley og vann á Ullevall.

Ein rúgva av norskum spælarum settu eisini dám á Premier League og Champions League í nítiárinum, og eftir ein norskan fótbóltsniðurtúr ein góðan part av hesari øldini, er Noreg aftur:

Nú á fyrsta sinni millum átta tey bestu í heiminum, og tveir teir størstu profilarnir hava verið profilar á Premier League-vinnandi liðnum seinastu árini: Martin Ødegaard í Arsenal (liðformaður) og Erling Braut Haaland í Manchester City (toppskjútti)

Les eisini: Størsti dysturin í norskari fótóltssøgu byrjar klokkan 22

--------------------------------------------
HM-fjórðingsfinalurnar:
Í dag, leygardagin 11. juli 

22.00: Noreg - Ongland - Miami (TV2 í Danmark og TV2 í Noreg vísa dystin/TV2 Play)