Fótbóltur

Víkingur avgjørdi aftur í evstu løtu

Eftir nógvar misnýttar málmøguleikar og eina møguliga brotssparksstøðu eydnaðist tað loksins hjá heimaliðnum at knógva stríðsfúsa Skála-liðnum. Bogi Reinert-Petersen gjørdist hetjan við sínum fyrsta máli í ár.

Mynd: Sverri Egholm

Mynd: Sverri Egholm

2020-09-20 17:34 Author image
Agnar Prestá
placeholder

Tíðin við Jóhan Peturi Poulsen við róðri hjá Víkingi er byrjað við tveimum teprum sigrum ímóti niðaru liðunum. Í báðum førum hevur tað sæð út til at endað við javnleiki, tá komið er ímóti endnaum, og í Streymnesi seinast var Víkingur rímiliga leingi aftanfyri.

Tað vóru heldur fáir málmøguleikar í 1. hálvleiki. Áðrenn málið hjá Finni Justinussen, var tað júst maðurin við 17-talinum, ið hevði havt størsta málmøguleikan. Skála sá gott út á ymsan hátt, tó at Vìkingur var omaná. Útiliðið kom eisini væl út til 2. hálvleik og var týðiliga ikki fallið í fátt av málinum beint fyri steðgin. Í 52. minutti fekk Ronni Møller Iversen fatur á bóltin nakað til vinstru á seinasta triðinginum, rak tættari at brotsteignum og úr 25 metrum sendi danin bóltin í longra málhornið. Fyrsta málið hjá Ronni í ár og mál nummar 10 í kappingarárinum hjá teimum appelsinlittu.

Myndir: Víkingur - Skála

Góða løtan hjá Skála helt fram, men so fekk Víkingur greiða leikliga yvirvág. Heimaliðið hótti á ymsan hátt - serliga við hornaspørkum. Víkingarnir raktu stongina og yvirleggjaran og hildu seg avgjørt eiga eitt brotsspark, tá bólturin kom upp í hondina á Teiti Reinert Joensen. Tað mettu dómararnir tó ikki, at talan var um.

Skála stríddist sera væl ímóti, men triða stigið í ár gjørdist ikki veruleiki. Tað syrgdi Bogi Reinert-Petersen fyri. Sølvi Vatnhamar legði ein vandamiklan bólt inn í brotsteigin, ið endaði heilt inni í málteiginum, har ein vælleikandi Bárður á Reynatrøð í fyrstu syftu fekk vart fyri, men ikki fekk beint bóltin heilt burtur úr vandaøkinum. Miðvallarin hjá Víkingi var fyrstur á bóltinum, og so var 2-1 og avgjørt.

Harvið helt Víkingur aftur á til seinasta bríks og fekk hálað ein sigur í hús og er framvegis ikki langt aftanfyri NSÍ og B36. Skála tapti fyri aðru ferð uppá eina viku tepurt. 

20 umfar í Betri deildini


Í dag 20. september

Víkingur - Skála 2-1 (1-0)
44' Finnur Justinussen (Jákup Johansen) 1-0
52' Ronni Møller-Iversen 1-1
90' Bogi Reinert-Petersen 2-1

Víkingur (4-2-3-1): Elias Fagrá - Ari Olsen, Atli Gregersen (L), Gunnar Vatnhamar, Bergur Gregersen - Geza David Turi (76' Arnbjørn Svensson), Bogi Reinert-Petersen - Andreas Lava Olsen, Sølvi Vatnhamar, Jákup Johansen - Finnur Justinussen

Skála (4-2-3-1): Bárður á Reynatrøð - Jonhard Frederiksberg, Teitur Reinert Joensen, Kristian Martin Jakobsen, Hjalti Strømsten (90' Jóhann Bergson Johansen) - Pætur Dam Jacobsen, Niels Pauli Danielsen - Heðin Klakstein (72' Aksel Bjartalíð Danielsen), Ronni Møller-Iversen, Poul Kallsberg - Andreas Egeberg Jacobsen (80' Erland Berg Danielsen) 


B36 - AB 3-0 (2-0)
22' Sonni Ragnar Nattestad (Árni Frederiksberg) 1-0
53' Andrass Johansen (Hannes Agnarsson) 2-0
90' Andrass Johansen 3-0

Les eisini: Andrass tvífaldur málskjútti í tryggum B36-sigri

B36 (4-2-3-1): 
Rói Mørk Hentze (70' Símun Rógvi Hansen) - Benjamin Heinesen, Erling Dávidsson, Sonni Ragnar Nattestad, Andreas Thomsen - Magnus Holm Jacobsen, Eli Falkvard Nielsen - Árni Frederiksberg (L), Ragnar Samuelsen (46' Brian Jakobsen), Hannes Agnarsson (66' Martin Agnarsson) - Brian Jakobsen

Venjari: Jákup á Borg


AB (4-2-3-1): Silas Eyðsteinsson - Dánjal Reginsson, Tróndur Jóannesarson á Høvdanum (88' Leivur Fossdal Guttesen), Bjarni Skála, Asbjørn Heðinsson - Jákup Pauli Breckmann, Rógvi Nónsgjógv Poulsen (77' Jónas Stenberg) - Gilli Róason, Jasper van der Heyden, Bjarki Nielsen - Adeshina Lawal (77' Hans Jákup Annfinsson)

Venjarar: Símun Samuelsen og Tonny Brimsvík


HB - ÍF (18:30)


Í gjár- 19. september
NSÍ - EB/Streymur 4-1 (2-1)
15' Klæmint Olsen 1-0
22' Klæmint Olsen 2-0
41' Sjálvmál 2-1
63' Jesper Christjansen 3-1
77' Búi Egilsson 4-1

Les eisini: NSÍ vann trygt á EB/Streymi

TB - KÍ 0-0

Les eisini: KÍ snávaði í Trongisvági

Støðan

1. KÍ 48 stig (20 dystir) 
2. HB 46 stig (18 dystir)
3. NSÍ 41 stig (19 dystir)
4. B36 40 stig (18 dystir)
5Víkingur 38 stig (19 dystir)
6. ÍF 20 stig (18 dystir)
7. EB/Streymur 19 stig (20 dystir)
8. TB 14 stig (20 dystir)
9. AB 7 stig (20 dystir)
10. Skála 2 stig (19 dystir)

placeholder
placeholder