Fótbóltur

Alment: Braithwaite til Barcelona FC

Fekk undantaksloyvi at gera sáttmála uttan fyri flytingargluggan.

2020-02-20 10:31 Author image
Ingi Samuelsen
placeholder

Katalanska stórfelagið Barcelona FC kunnger í dag, at tað hevur gjørt sáttmála við danska áleyparan Martin Braithwaite.

Felagið skrivar, at tað hevur rindað 135 milliónir krónur fyri at fáa sáttmála við Braithwaite til 2024.

Martin Braithwaite gerst sostatt fyrsti dani í felagnum síðan Michael Laudrup, Thomas Christiansen og Ronnie Ekelund spældu har í 1994.

Fyrrverandi føroyski landsliðsvenjarin, Allan Simonsen, hevur eisini spælt við Barcelona.

Martin Braithwaite hevur fingið undantaksloyvi at flyta felag uttan fyri flytingargluggan, tí Barcelona í farnu viku boðaði frá, at áleyparin Ousmane Dembele er vorðin langtíðarskaddur í minst seks mánaðir.

Í Spania er møguleiki fyri í slíkum førum at yvirtaka ein spælara frá øðrum sponskum fótbóltsfelag.

Les eisini: Danskur landsliðsleikari á veg til FC Barcelona 

 

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder