Alt verður avgjørt á Vestmannaoyggjunum í kvøld

ÍBV byrjaði finalurøðina við einum braki og var á odda 2-0. Harvið lá tað til, at favorittarnir fóru at taka meistaraheitið rímiliga skjótt, men Haukar svaraði aftur, og hevur innanfyri síðstu seks dagarnar vunnu tvær finalur.

Harvið er tað 2-2, og neyðugt er við einari fimtu finalu fyri at avgera íslendska meistaraheitið hjá monnum 2022/2023. 

Tað eydnaðist ikki hjá Ingibjørg Olsen og hinum hja ÍBV at vinna finalurøðina hjá kvinnum. Í kvøld skulu Janus Dam Djurhuus, Dánjal Ragnarsson og hinir royna at syrgja fyri gullveitslu á Vestmannaoyggjunum.

Lagt er upp til tættan dyst á Heimaey, har hoyvíkingurin og havnarmaðurin kunnu fáa stóran leiklut í einum meistaraheiti. Fyrsta bríksl verður klokkan 20.

Fyrrverandi Neista-bakkurin kann fáa nógv at fegnast um í kvøld (Mynd: Sverri Egholm)