Anja David Greve hevur skeið í Hoyvíkshøllini í vikuskiftinum

Fysioterapeuturin hjá danska manslandsliðnum fer at hava eina verkstovu um akslar. Fleiri og fleiri akslaskaðar í Føroyum, og fleiri leikarar hava verið hjá Anju David Greve til viðgerð.

Anja David Greve sæst her beint aftanfyri Nikolaj Jacobsen eftir sigurin í HM-finaluni í Herning í fjør (Mynd: EPA)

Anja David Greve sæst her beint aftanfyri Nikolaj Jacobsen eftir sigurin í HM-finaluni í Herning í fjør (Mynd: EPA)

2020-10-22 19:46 Author image
Agnar Prestá
placeholder
Hon er at javnan at síggja, tá myndir vísa beinkin hjá danska manslandsliðnum í samband við málfagnað o.s.fr. Onkutíð sæst hon sitandi tætt við Nikolaj Jakobsen, ið er í gongd við at skelda um eitt ella annað. 

Hetta vikuskiftið hevur hon skeið í Hoyvíkshøllini. Anja David Greve er fysioterapeutur hjá heimsmeistarunum, umframt hjá Odense HC og GOG og hon hevur verið í yrkinum í 15 ár. Anja Greve hevur havt fleiri føroyskar leikarar til viðgerð fyri akslaskaðar, ið sambært ítróttarstjóranum í HSF, Mark Lausen-Marcher, er ein vaksandi trupulleiki - serliga hjá yngru leikarunum.
 
Júst akslaskaðar er evni í verkstovu, sum fysioteraputurin fer at hava fyri fysioterapeutar og fysiskar venjarar, sum eru tengd at føroysku hondbóltsfeløgunum og HSF og annars øðrum sum hava áhuga.   

Skeiðið verður í Hoyvíkhøllini fríggjadagin og leygardagin, 23. - 24. oktober.
placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder