Ingi Samuelsen
Føroysku svimjararnir tryggjaðu okkum fimm heiðursmerki afturat á oyggjaleikunum í dag, eitt gull, eitt silvur og trý bronsu.
Í gjár vann Elisabeth Erlendsdóttir gull í 100 metra ryggsvimjing. Hon endurtók bragdið í kvøld, tá tvífaldi teinurin var á skránni. Elisabeth svam teir 200 metrarnar í tíðini 2:12,38 minuttir.
Eyðrið Mortensen vann silvur silvur í 400 metra frísvimjing. Tíðin var 4:20,41.
Bartal Erlingsson Eidesgaard vann bronsu í 100 metra frísvimjing, hann brúkti 51,09 sekund um teinin og Anna Bech Vestergaard vann bronsa í 50 metra frísvimjing við tíðini 26,70 sekund.
Seinasta bronsuheiðursmerkið fall til liðið í fýra ferðir 100 metra blandaðari svimjing. Heini Mohr Askham, Isak Dag Brisenfeldt, Bartal E. Eidesgaard og Líggjas Joensen svumu teir 400 metrarnar í tíðini 3:57,24 minuttir.
Vinarliga broyt tínar kennifíla - og privatlívsstillingar fyri at síggja hetta innihald