Fótbóltur

Beinleiðis stríð um 4. plássið sunnudagin

Vinnur Víkingur í Gundadali er liðið hjá Jóhan Petur Poulsen nær við at hava tryggjað evropeiskt pláss. B36 er tvey stig aftanfyri og skal hava stig í innanhýsis uppgerðini, sum byrjar klokkan 15 í morgin.

Tey hava vunnið ein dyst hvør innanhýsis í ár - í báðum førum á heimavølli. B36 vann 1-0 í Gundadali í 5. umfari, og í morginspæla Víkingur og B36 eisini har (Savnsmynd: Sverri Egholm)

2025-09-27 17:47

Agnar Prestá

Tað er ikki bert eitt beinleiðis niðurflytingarbrak á skránni, tá fjórðseinasta umfar í fremstu mansdeildini verður spælt í morgin, sunnudagin 28. september.

Sí eisini: Botnbrakið í Suðuroynni er útsett til klokkan 17.30

B36 og Víkingur hava seinastu mánaðirniar runnið kapp í stríðnum um 4. plássið. Í morgin bresta tey saman aftur.

Tey hava vunnið ein dyst hvør innanhýsis í ár - í báðum førum á heimavølli. Síðst var Víkingur greitt omaná og vann 4-2 í Sarpugerði

Verandi føroyameistararnir eru langt frá FM-stríðnum í ár men eru í løtuni tvey stig frammanfyri B36. Harvið er talan um um ein ógvuliga týðandi dyst í Gundadali í morgin.

Liðið hjá Jóhan Peturi Poulsen hevur meira ráð til javnleik - tað hjá Jákup Martini Joensen kann í øllum førum ikki tapa.

4. plássið kann geva evropeiskt pláss til næsta ár. Um Víkingur endar har, so er tað vist, tí liðið úr Eysturkommunu er í steypafinaluni saman við KÍ. Um B36 yvirhálar Víking í endaspurtinum, so hevur Víkingur ein eykamøguleika at taka plássið frá B36 aftur við steypafinalusigri.

Meira um dystin í Gundadali og annað í morgin

Betrideildin 24. umfar
Sunnudagin 28. september
15.00: B36 - Víkingur

Sí alla skránna her

Støðan:

Vinarliga broyt tínar kennifíla - og privatlívsstillingar fyri at síggja hetta innihald