Byrja aftur í Philadelphia samstundis sum byrjað verður í New York

Talan hevur verið um søguligt HM-kvøld á og uttanfyri vøllin.

Lionel Messi skoraði bæði málini í Dallas, tá Argentina basti Eysturríki og harvið er skjótt 39-ára gamli fólbóltsgandakallurin mest skorandi spælarin í HM-søguni. Messi hevur nú 18 mál eftir 28 dystir - eingin annar hevur spælt eins nógvar HM-endaspælsdystir.

Sí eisini: Messi skein aftur og yvirhálaði Klose

Nakrar tímar seinni hendi tað, at ein HM-dystur varð stegðaður orsakað av veðri.

Sí eisini: HM-dystur fyribils útsettur orsakað av toursláttir

Talan er um Frakland - Irak. Tað fór at regna av grimd seinasta partin av 1. hálvleiki, men liðini náddu at spæla hálvleikin lidnan, áðrenn myndugleikar og FIFA boðaðu frá, at áskoðararnir skuldu fara undir tak. Stórur partur av stóra leikvøllinum í Philadelphia er ikki undir taki.

Hetta var orsakað av ógvuligum veðri og torusláttri í økinum. Tað skulu ganga 30 minuttir frá seinasta torusláttri í økinum til, at dysturin kann setast í gongd aftur.

(Mynd: Mauro Pimentel/AFP/Ritzau Scanpix)

(Mynd: Franck Fife/AFP/Ritzau Scanpix)

Kylian Mbappé skoraði gott mál til 1-0, men síðani fór veðrið at fylla meira enn fótbólturin í Philadelphia (Mynd: Dan Mullan/AFP/Ritzau Scanpix)

Ávarað var um støðuna áðrenn, og tað gingu smáir tveir tímar frá tí spæladarnir fóru til hálvleiks, til teir komu út aftur. Tá var neyðugt at hita upp, og FIFA hevur boðað frá, at byrjað verður aftur klokkan 20.00 føroyska tíð - klokkan 01.00 føroyska tíð.

Dysturin sæst á DR1/DR TV

Hin dysturin í 2. umfari í bólki I verður spældur lutfalsliga nær við Philadelphia: Noreg og Senegal bresta saman í lykladysti í New York. Hesin byrjar eisini klokkan eitt okkara tíð.

Dysturin sæst á TV2 Play, NRK og RÚV. Støðan í bólkinum sæst niðanfyri:

Sí eisini: Rógvandi norðmenn settu dám á Times Square