Byrjar at fyllast á Hálsi

Fólk vilja tryggja sær gott pláss til EM-undankappingardystin millum Føroyar og Ukraina, sum byrjar í Høllini á Hálsi klokkan 19.

Dyrnar lótu upp klokkan 17, og tá var longu bíðirøð.

Øll atgongumerkini vórðu rivin burtur aftaná sigurin á Rumenia í síðsta mánað, og tilsamans vera eini 1800 fólk í høllini í kvøld.

Gravgangurin hevur verið øgiligur síðani, og uttan iva kundu nógv fleiri atgongumerki verið seld, um høllin rúmaði hesum.