Dan Brimsvík byrjar við uppgávu í Hobro í kvøld

Í síðstu viku varð kunngjørt, at Lyngby hevur sagt venjaran Morten Karlsen upp og sett millum annað Dan Brimsvík í fyribils venjaratoymi.

38-ára gamli havnarmaðurin er í løtuni tað, sum eitur "Head of Coaching" hjá danska felagnum. Harvið hevur Dan stóran leiklut í akademiinum hjá Lyngby  - nú hevur hann eisini ábyrgd av besta liðnum.

Lyngby spælir í Hobro í kvøld. Talan er um 9. umfar í næstbestu donsku deildini.

Dysturin byrjar klokkan 18 føroyska tíð og sæst á TV3 Sport og Viaplay.

Tað er ikki greitt enn, hvød tekur við sum fastur høvuðsvenjari hjá Lyngby; ella nær viðkomandi tekur við. Harvið kann hetta verða einasti dystur við Dan Brimsvík sum ábyrgdara saman við  Andreas Bjelland og Bertram Gylling. Ella verður tað ein av fleiri.