Dramatiskur javnleikur hjá monnum - Neistakvinnurnar vunnu greitt

Tað var nær við, at Neistin heilt tryggjaði sær hondbóltsræði í høvuðsstaðnum fyribils, tá grannauppgerðir vóru í høllini á Hálsi í gjárkvøldið.

Kvinnurnar løgdu út, og hóast Kyndil byrjaði dystin væl betri, so vunnu tær í bláum at enda greitt. Neistin skorði bert tvey mál fyrstu 13 minuttirnar, og bæði vóru brotskøst. Verjan hjá Kyndli eydnaðist væl, men sum dysturin leið, haltaði tað ov nógv í álopspartinum.

Kyndil saknaði Turið Arge Samuelsen, sum gekk á odda í stórsteypadystinum. Neistin fekk glið á, var á odda við tveimum í steðginum og bygdi á leiðsluna í 2. hálvleiki. Neistin vann við tíggju málum og fekk harvið frálíka byrjan uppá kappingarárið.


Nadja Pejovic skoraði átta mál, men tað eydnaðist samanlagt ikki nógv væl hjá teimum í grønum (Savnsmynd: Sverri Egholm)

Hjá monnum komu bæði liðini uppum 30 mál. Kyndil hevur styrkt seg í summar, og nýggju danirnir gjørdu mun. William Skovsager og Tobias Thisen skoraðu samanlagt 19 mál, men hóast leiðslu til Kyndil í steðginum lá tað til Neistan, tá bert ein lítil løta var eftir.

Teir í bláum løgdu seg á odda við fýra málum, tá beint yvir fimm minuttir vóru eftir. Síðani skoraði Neistin ikki aftur, og Kyndil vendi øllum á høvdið. Tá bert nøkur sekund restaðu í, varð brotsskast dømt. Pauli Høj fekk reytt kort, og Neistin legði protest. Tobias Thisen skoraði uppá brotsskastið, og tað endaði 31-31. Umráðandi stig hjá Kyndli. 

2. umfar er á skránni í vikuskiftinum. Yvirlit fyri SMS sæst her, og yvirlit fyri Burn sæst her

Kelda: Hondbóltssamband Føroya

SMS-deildin 1. umfar

Sunnudagin 10.09
H71 - VÍF 34-30 (15-15)
Toppskjúttar: Sára Jacobsen 10 mál, Fríða Nolsøe Olsen 8 mál
Sí dómaraseðlan her

EB - StÍF 22-29 (7-11)
Toppskjúttar: Masa Varajic og Nukaaka Petrussen Lyberth 6 mál, Natasja Hammer 8 mál og Maria Mrdalo 6 mál
Sí dómaraseðlan her

Les meira her

Leygardagin 09.09
Stjørnan - VB 29-26 (12-15)

Toppskjúttar: Savica Mrkikj 10 mál, Durita Krosslá Hjelm 8 mál
Sí dómaraseðlan her

Í gjár, týsdagin 12.09
Neistin - Kyndil 30-20 (11-9)

Toppskjúttar: Bjørk Franksdóttir Joensen 8 mál, Nadja Pejovic 8 mál
Sí dómaraseðlan her

Burn-deildin 1. umfar

Í gjár, týsdagin 12.09
Neistin - Kyndil 31-31 (15-17)
Toppskjúttar: William Skovsager 10 mál, Tobias Thisen 9 mál  -  Pauli Høj og Phillip Harper Müller 7 mál
Sí dómaraseðlan her

Sunnudagin 10.09
H71 - VÍF 25-28 (9-12)
Toppskjúttar: Sveinur Olafsson 8 mál, Filip Jojic 7 mál
Sí dómaraseðlan her

Sí eisini: Vestmenningar vunnu á útivølli móti greipuvinnarunum

Leygardagin 09.09
StÍF - KÍF 26-34 (13-16)

Toppskjúttar: Rasmus Søby 8 mál, Trúgvi Hávardsson 7 mál
Sí dómaraseðlan her

Frí: Team Klaksvík (Sjey lið eru, í mun til SMS-deildina har átta lið luttaka)

Sí eisini: Hondbólturin er av álvara byrjaður aftur