Elias Ellefsen á Skipagøtu tilnevndur til besta spælara í Bundesliguni higartil

Elias Ellefsen á Skipagøtu er ein av sjey spælarum, sum er tilnevndur til besta spælara í Bundesliguni fyri september.

Millum hinar eru Kiel-liðfelagin og málverjin Andreas Wolff, íslendingurin Omar Ingi Magnussen og liðfelagin hjá Vilhelmi Poulsen, Justus Fischer.

Øll kunnu atkvøða, um man stovnar sær brúkara (ókeypis) á heimasíðuni hjá Bundesliguni - tað kann gerast her

Sí yvirlit og atkvøð her

THW Kiel er ósigrað oddalið eftir seks umfør, og Elias Ellefsen á Skipagøtu eigur stóran leiklut í hesum.

23-ára gamli føroyingurin er í løtuni næstbesti málskjútti í deildini - bert Mathias Gidsel er frammanfyri - við 49 málum í seks dystum. 

Sambært samlaðu hagtølunum hevur Elias á Skipgøtu hægst effektivitetstal av øllum í Bundesliguni fyri september.