Agnar Prestá
- Árið í Fredrikstad hevur verið ógvuliga gott, og felagið fer altíð at hava eitt serstakt pláss í mínum hjarta. Hetta er mítt fyrsta felag uttanfyri heimlandi
Elisabet Vang sigur við fredrikstadfk.no, at tað kennist tvísinnað at fara úr Fredrikstad. Tað hevur verið "ein fantastisk uppliving", men 26-ára gamli føroyski fysisiki venjarin heldur, at skiftið til svenska stórfelagið er tað rætta fyri hennara yrkisleið.
Elisabet hevur í ár staðið fyri styrkisvenjing og kosti í FFK. Mikkjal Thomassen fekk hana til KÍ í 2021, har hon var við at lyfta yvirleggjaran væl hægri á kropsliga økinum, og eftir trý FM og annað skrivaði hon undir í Noreg.
AIK hevur keypt Elisabet Vang fyri ein óuplýstan prís. Sambært heimasíðuni hjá Fredrikstad skiftir hoyvíkskvinnan mánadagin 4. november.
Harvið verður hon við til endan av kappingarárinum hjá AIK, sum stríðist um evropeiskt pláss og ikki hjá Fredrikstad, ið hevur eina steypafinalu 7. desember.
Sí eisini: - Hevur gingið skjótari enn vit tordu at droyma um
Vinarliga broyt tínar kennifíla - og privatlívsstillingar fyri at síggja hetta innihald