placeholder
Fótbóltur

Everton tók stig frá grannunum

Tað endaði 0-0 í Liverpool-uppgerðini, og Manchester City er harvið framvegis oddalið.

Tað var líka við og næstan hjá Mané, Salah og co. í dag
(Mynd: EPA)

Tað var líka við og næstan hjá Mané, Salah og co. í dag (Mynd: EPA)

2019-03-03 18:40 Author image
Agnar Prestá
placeholder

Seinasti dysturin í 29. umfari í Premier League var í Liverpool, har grannarnir hittust á Goodison Park. Ikki óvæntað var tað inntenst, og tað gjørdist eisini talan um ein tættan og spennandi dyst. 

Liverpool hevði tørv á trimum stigum fyri at taka oddasessin aftur frá City. Everton vildi tó gera alt fyri at spilla spælið hjá grannunum. Hetta eydnaðist væl, hóast Liverpool var omaná í 1. hálvleiki. Heimaliðið hevði eitt varið útgangsstøði, men hevði tó onkra rímiliga støðu. Tað var tó Liverpool, ið var meira vandamikið, og størsta møguleikan hevði Salah, tá hann gjørdist rættiliga einsamallir, men Jordan Pickford bjargaði væl. 

Í 2. hálvleiki kom Everton betri við. Tað bylgjaði aftur og fram, áskoðarnir vóru væl við, og spentar støður vóru í báðum endum. Tað vóru tó vaknir verjuleikar á báðum liðum, og serliga Van Dijk stóð sterkur í myndini. 

Tað kom einki mál, og javnleikur gevur eina rímiliga góða mynd av dystinum. Everton er í einum ongamannalandið, men hetta var ein góður dystur hjá teimum í bláum. Fyri Liverpool var tað ikki nakað vánaligt úrslit, men liðið hevur í løtuni ikki alt í egnum hondum.  Mikukvøldið skoraði liðið hjá Klopp fimm móti Watford, men hetta var triðji dysturin útav teimum seinastu fýra, har Liverpool fer av vøllinum uttan at skora. 

Everton - Liverpool 0-0

Fyrr í dag vann Chelsea trý týdningarmikil stig.

Støðan: 

Manchester City

 

71 stig

2


Liverpool 

 

70 stig

3

Tottenham Hotspur 

 

61 stig

4

Manchester United

 

58 stig

5

Arsenal 

 

57 stig

6

Chelsea *

 

56 stig

7

Wolverhampton 

 

43 stig

8

Watford 

 

43 stig

9

West Ham

 

39 stig

10

Everton 

 

37 stig

11


Leicester 

 

35 stig

12

AFC Bournemouth

 

34 stig

13

Crystal Palace 

 

33 stig

14

Newcastle 

 

31 stig

15

Brighton & Hove Albion *

 

30 stig

16

Burnley

 

30 stig

17

Southampton

 

27 stig

18

Cardiff

 

25 stig

19

Fulham 

 

17 stig

20

Huddersfield Town 

 

14 stig

* Ein dyst færri

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder