Fimm stig í 15 dystum - øll móti Moldova

Føroyska A-landsliðið hevur nú spælt júst 15 undankappingardystir undir verandi toymi. Átta á heimavølli og sjey á útivølli.

Moldova hevur verið mótstøðulið í báðum undankappingum. Í HM-undankappingini í 2021 byrjaðu Føroyar við at spæla 1-1 í Chisnau, og í september sama ár vunnu Føroyar 2-1, tá Moldova vitjaði á Tórsvølli. 

Sí eisini: Eru ósigraðir móti Moldova

Aftur í ár byrjaði undankapping í moldoviska høvuðsstaðnum. Aftur endaði tað 1-1. Hesa ferð mistu Føroyar tamarhaldið á dystinum og leiðsluna í 2. hálvleiki, og í dag gekk tað eisini galið út á dystin móti Moldova. 

Í hesum førum fingu Føroyar ikki nakað stig. Annars hevur Moldova verið tað liðið, ið Håkan Ericson og lið hansara hava fingið stig ímóti - tað einasta liðið.

Sí eisini: 
Marrukent móti Moldova
Myndir: Vónbrotið á Tórsvølli
Tapa tí at vit ikki eru nóg skarpir

Samanlagda talið er fimm stig í 15 dystum. Tað vil siga eitt stig fyri hvønn triðja dyst. Umframt Moldova, hava Føroyar spælt móti Eysturríki, Skotlandi, Ísrael og Danmark tvær ferðir, og so Kekkia, Albania og Póllandi í hesari EM-undankappingini.

Øll, uttan Moldova, eru styrkismett hægri enn Føroyar. Í seinastu undankapping vóru Føroyar væl við í helmingin av dystunum móti hesum hægru liðunum.

Yvirlit sæst niðanfyri:

Samanlagt: Ein sigur, tveir javnleikir og tólv ósigrar. 
Málúrttøka: -23

Til samanberingar fingu Lars Olsen og toymi sjey stig í sínum seinastu 15 undankappingardystum - øll á heimavølli.

Í Nations League er tað eydnast hjá hesum toyminum at millum annað fáa fýra stig móti Litava og ein sigur móti Turkalandi.

Kelda: Faroesoccer - sí alt yvirlitið her